|
نقول تور
 بقلم: د. ماهر حبيب
13 أمشير 1726 للشهداء - 20 فبراير
2010 ميلادية
نقول طائفية يقولوا جنائية
نقول عنصرية يقولوا تدين وحمية
نقول حاكموا المحرض قبل الجانى يقولوا دى جريمة الإشعال الذاتى
نقول الطبيب الشرعى قال مستعملة يقولوا شرف البنت دى زى الولاعة
نقول حاكموا جرجس بعدالة يقولوا مادام قبطى ياخد إعدام ومش مهم العدالة
نقول فيه حد بيصور نفسه فى جريمة إغتصاب يقولك ما هو ماحدش واخد باله
نقول فيه إضطهاد يقولوا عادى وبالزبادى
نقول مصر للمصريين يقولوا مصر دى بلد المسلمين
نقول مصر فرعونية يقولوا دى بلد الساجدين
نقول عاوزينها علمانية يقول لك إحنا بلد دينية
نقول عايزين مساواة يقول لك مفيش أجدع من التمييز
نقول عايزين طهارة اليد يقول لك عاوزين قطع اليد
نقول عايزين ديموقراطية يقول لك معندناش غير ديموقراطية المحظورة
نقول بنحبك يا مصر يقول لك إحنا بنشجع إللى يقول طظ فيكى يا مصر
نقول عاوزين نصلى لربنا يقول لك مفيش صلى إلا بتصريح من شيخ البلد
نقول عاوزين العدل والقانون فى حوادث قتل المسيحيين يقول لك مفيش غير
قعدات العرب والضحك على الدقون
نقول عاوزين نتعين فى الجامعة يقول لك روح ربى دقنك وإلبس جلابية
أفغانى تلاقى السكة مفتوحة
نقول عاوزين مساواة فى الحقوق يقولك إسكت يا بتاع السبنسة
نقول عاوزين المواطنة يقول لك عشم إبليس فى الجنة
نقول عاوزين نخش مجلس الشعب يقول لك و بياعين الكلام و بتوع نحو الأمية
يروحوا فين
نقول عاوزين نطور التعليم يقول لك إحنا لازم ندهور التعليم
نقول عاوزين نطور المستشفيات يقول لك عاوزين ننقب الممرضات
نقول عاوزين نمنع الغش فى الإمتحان يقول لك الغش بالنقاب أضمن من الغش
بالبرشام
نقول عاوزين قانون موحد لدور العبادة يقول لك القانون رميناه فى كوم
الزبالة
نقول عاوزين نلغى المادة التانية من الدستور يقول لك مش حا نلغيها حتى
لو لغينا الدستور
ونقول ونقول ونقول لقد أسمعت لو ناديت حيا لكن لا حياة لمن تنادى
ونقول تور يقولوا إحلبوه وعجبى
-------------------------------
مقالات الكاتب
|
